2018
Fakangata e Laiseni Fakafetongi Pa'anga Muli 'a e Tonga Ma'ae Tonga Group Ltd
- Details
- Category: Press Release
- Created: 09 January 2018
Hufanga ‘i he fakatapu kae ‘oatu ‘a e fanongonongo ko eni. Fakatatau ki he Tu’utu’uni 3 ‘o e Ngaahi Tu’utu’uni (Fakatonutonu) ki he Pule’i ‘o e Fetongi Pa’anga Muli 2000, ko e mafai ke fakalele ha kautaha fakafetongi pa’anga muli ‘oku fakangatangata ia kia kinautolu kuo fakamafai’i ‘e he Pangike Pule Fakafonua ‘o Tonga. ‘Oku ‘oatu ai ‘a e fanongonongo ni ki he kakai ‘o e fonua ko e ngaahi kautaha ‘oku ha atu ‘i lalo kuo ‘osi fakamafai’i ke nau fefakahu’aki pe fakafetongi pa’anga muli ‘i Tonga ni.
| 1. | Ko kinautolu kuo fakamafai’i ke nau fakafetongi pa’anga ‘i he ngaahi pa’anga muli kotoa pe: |
| a. | Pangike ANZ |
| e. | Pangike MBf |
| f. | Pangike BSP |
| h. | Pangike Langa Fakalakalaka ‘a Tonga |
| 2. | Ko kinautolu kuo fakamafai’i ke nau fakafetongi pa’anga ‘i he ngaahi pa’anga muli kotoa pe: |
| a. | Moneygram ngaue’aki ‘e he Pangike BSP pea mo e Pangike MBf |
| e. | Western Union ngaue’aki ‘e he Kautaha FEXCO Tonga Ltd |
| f. | IMEX moe RIA Money Transfer ngaue’aki ‘e he Kautaha Rowena Financial Services Ltd |
| h. | T & T Money Transfer Ltd |
| i. | KlickEx Trading Ltd |
| k. | SAV Money Transfer |
| l. | Jones Travel Ltd |
| m. | Digicel Mobile Money ngaue’aki ‘e he Kautaha Digicel Tonga Ltd |
| n. | Frank Money Transfer |
| ng. | Tonga Post Ltd |
| o. | Manatu ‘Ofa Ltd |
| p. | Fietokoni Financial Services Ltd |
| s. | Island Flexi Transfer |
‘Oku toe fanongonongo atu foki ke fakatokanga’i ange ‘e he kakai ‘o e fonua ‘oku ‘ikai ke toe laiseni ‘a e kautaha ‘oku ha atu ‘i lalo pea kuo ‘ikai ke toe ‘i ai ha nau mafai ke fakahoko ha fakafetongi pa’anga muli:
- Tonga Ma’ae Tonga Group Ltd
‘Oku kole atu heni ki he kakai ‘o e fonua ke mou lipooti mai ki he Pangike Pule ha fa’ahinga taha pe kautaha ‘oku nau tu’uaki pe fakahoko ‘a e fakafetongi pa’anga muli kae ‘ikai ke fakamafai’i.
Ka ‘i ai ha taha te ne fai ha hia ‘i he ngaahi tu’utu’uni ni kuo pau ke ne mo’ua ‘o ka halaia –
- Kapau ko ha taha fakafo’ituitui ki ha mo’ua pa’anga ‘e ‘ikai laka hake ‘i he $20,000 pe ngaue popula ‘o ‘ikai laka hake ‘i he ta’u ‘e 3;
- Kapau ko ha sino fakakautaha, ki ha mo’ua pa’anga ‘e ‘ikai laka hake ‘i he $200,000.
Ngaahi Faka'eke'eke
Tafa'aki Tokanga'i 'o e Ngaahi Kautaha Fakapa'anga (Financial Institutions Department)
Pangike Pule Fakafonua 'o Tonga
Fasi mo e afi
NUKU'ALOFA
Telefoni: (676) 24057
Fax: (676) 24201
Meili 'Elekitulonika: This email address is being protected from spambots. You need JavaScript enabled to view it.
Ngaahi Ma'u'anga Fakamatala
Ongoongo 'i he Lea Faka-Tonga 178 KB - Ma'u atu ha'o tatau 'o e ongoongo ni. |
| Vakai ki ha ngaahi Ongoongo 'o e 2018. |
