Financial Sector Meeting on Monetary Policy and Interest Rates
- Details
- Category: Press Releases
The National Reserve Bank of Tonga discussed with the financial sector its August 2024 monetary policy, interest rates and improving access to finance for underserved sectors. The event took place at Fa’onelua Convention Centre on 20th September 2024, gathering key stakeholders from the financial sector to discuss actionable strategies that can positively impact our nation’s economic landscape.
Makamaile Māhanga ‘a e Pangikē Pule Fakafonua ‘a Tonga ‘i he 2024
- Details
- Category: Press Releases
‘Oku faka’ilonga’i ‘e he Pangikē Pule Fakafonua ‘a Tonga hono ta’u 35 ‘i he ‘aho Monite 16 Sepitema 2024 ‘aki ha toe makamaile māhanga ko e tupu fakapa’anga (net profit) kuo ‘osi hono ‘aotita’i ‘a ia na’e fe’unga mo e $35 miliona. ‘Oku lahi hake ‘a e tupu ko eni ‘i he 2024 ‘aki ‘a e peseti ‘e 75 mei he tupu fakahisitolia ko ia ‘i he 2023 ‘a ia na’e $20 miliona. Hili hono tali ʻe he Poate ‘o e Pangikē Pule ʻa e Fakamatala Pa’anga Fakata’u ‘a e Pangikē Pule kuo ‘aotita’i ‘e he KPMG Fiji ma’ae ta’u fakapa’anga ‘oku ‘osi ki he ʻaho 30 ʻo Sune 2024, naʻe foaki ai ʻe he Sea ʻo e Poate ‘a e Pangikē Pule, Lord Sevele ‘o Vailahi, ‘i he Fakataha Lahi Fakataʻu ‘o e 2024 ‘a e Pangikē Pule he ʻaho ni ha sieke ʻoku fe’unga mo e $25.1 miliona ki he Palēmia, Hon. Hu’akavameilku ko e ‘inasi fakata’u mei he tupu ‘a e Pangikē.
Naʻe fakamālō’ia ʻe he Palēmia ʻo Tonga, Hon. Huʻakavameiliku ʻa e ngāue mālohi ʻa e Pangikē Pule ʻi he 2023 pea ʻoku maʻolunga ange ia he taimi ni ʻi he 2024 pea ne pehe "ʻOku ʻomi ʻe he ngāue mālohi ʻa e Pangikē Pule ha paʻanga hu mai lahi ange ki he Puleʻanga ke poupouʻi ‘ene ngaahi taumu’a langa fakalakalaka ʻoku fakamuʻomuʻa ʻo kau ki ai sekitoa taautaha hange ko hono poupouʻi ʻetau ngaahi kautaha iiki mo lotoloto ‘o fakafou ‘i he Potungāue ʻo e Fefakatauʻaki mo e Langa Fakalakalaka Fakaʻekonomika, Potungāue Ngoue mo e Toutai, paotoloaki e tu’u mateuteu ke matu’uaki e fakatamaki, fakalakalaka fakaʻilekitulonika mo e tekinolosia ke fakasiʻisiʻi e fakamole taautaha ʻa e ngaahi pisinisi. Ko hono tānaki ‘o e pa’anga hū mai ko eni ki he Puleʻanga ʻe fakasiʻisiʻi ai ʻa e fiemaʻu ke nō pe fakalahi ʻa e tukuhau ke tauhi ʻene ngaahi palanisi fakapaʻanga ke toe faingofua mo tuʻuloa ange.
“‘Oku ‘oatu ‘a e fakamālō kia Lord Sevele mo e Poate´, Kovana Tatafu Moeaki mo e kau ngāue ‘a e Pangikē ki he ngāue ‘osi-kia-velenga makatu’unga ‘i he mafatukituki homou fatongia ko e Pangikē Pule Fakafonua ‘a Tonga ki hono langa ‘a e tu’unga matu’uaki ‘a e ‘ekonōmika ‘a Tonga´, he ko e ‘ekonōmika ‘oku si’isi’i, pea tu’u laveangofua ki he ngaahi fakatamaki fakaenatula´, ngaahi fakatamaki fakatupakē mei tu’apule’anga´ mo e ngaahi pole fakamāmani lahi foki. ‘Oku poupou ‘a e Pule’anga´ ki he fakahoko fatongia mafatukituki ‘a e Pangikēe´ ‘i hono fakahoko ‘a e fa’unga ngāue fakapa’anga ‘i he ta’u ‘e ua (2) kuo maliu atu´ fakatatau ki he polokalama sivi fakata’u ‘i he Misiona Article IV ‘a e Kautaha Pa’anga Fakavaha’apule’anga´ ‘i he ta’u 2023 mo e 2024, mo e fatongia ‘o e Pangikē ki hono ta’ota’ofi ‘a e hikihiki ‘i he tu’unga ‘o e totongi koloa´ mo e tu’unga malu e ngaahi tafa’aki fakapa’anga´ ke tokoni ki he ngaahi taumu’a ngāue faka’ekonōmika ‘a e Pule’anga´ ma’ae kakai ‘o Tonga” ko e me’a ia ‘a e ‘Eiki Palēmia´ Hu’akavameiliku.
Na‘e fakahā foki ‘e Lord Sevele “‘oku kei fakafiemalie pe ‘a e sekitoa faka-pangikēˊ pea ‘i he tu’unga fe’unga pē ‘a e pa’anga ngāueˊ pea mo e pa’anga tupu ‘a e ngaahi pangike ke ne fakapapau’i ‘a e malu mo e tu’unga lelei ‘a e ngaahi koloa lolotonga hono tokanga’i ko ia ‘a e lahi ‘o e ngaahi nō palopalema ‘i he ta’u 2024. Ko e ngaahi tefito’i ta’umu’a ‘a e Pangikē Pule Fakafonua ‘a Tonga ki he kaha’u´ ko hono ta’ofi ‘a e ngaahi hia fakapa’anga´ mo toe kake’i hake ‘a e tu’unga faitotonu ‘i he ngaahi tafa’aki fakapa’anga.”
‘Oku ‘oatu ha fakamālō mei´he Sea´ mo e Poate ‘o e kau Talēkita´ ki he Kōvana´ Tatafu Moeaki mo e kau ngāue ‘o e Pangikē Pule Fakafonua ‘o Tonga´, kae‘uma‘ā ‘a e Pule‘anga´, ngaahi kautaha laiseni fakapa‘anga´ mo e ngaahi hoa ngāue´ ‘i he ngaahi poupou ki he Pangikē´ ‘i hono a‘usia ‘ene ngaahi taumu‘a ngāue lolotonga ‘a e ta‘u fakapa‘anga 2023/24.
ʻE fakamanatu ʻe he Pangikē Pule Fakafonua ‘o Tongaˊ ʻa hono taʻu 35 ʻi he ʻaho Monite 16 ʻo Sepitema 2024 ʻi he Hotele Tanoa mo e Fakaafe Fakalangilangi ko e Tama ko Pilinisi Kalauni Tupoutoʻa ʻUlukalala.
Ngaahi Faka'eke'eke
Pangike Pule Fakafonua 'o Tonga
Fasi mo e Afi
NUKU'ALOFA
Telefoni: (676) 24057
Fax: (676) 24201
'Imeili: This email address is being protected from spambots. You need JavaScript enabled to view it.
Resources
Ongoongo 'i he Lea Fakapilitania 133 KB - Ma'u atu ha tatau 'o e ongoongo. |
| Ongoongo 'i he Lea Faka-Tonga 123 KB - Ma'u atu ha tatau 'o e ongoongo. |
Twin Milestones for the National Reserve Bank of Tonga in 2024
- Details
- Category: Press Releases
The National Reserve Bank of Tonga (NRBT) marks its 35th anniversary on Monday 16 September 2024 with an audited net profit of $35 million as its twin milestones. The $35.8 million profit in 2024 is 75 percent higher than last year’s 2023 record profit of $20 million.
Also read in Tongan: Makamaile Māhanga ‘a e Pangikē Pule Fakafonua ‘a Tonga ‘i he 2024
Reserve Bank’s August 2024 Monetary Policy Will Promote Greater Access to Finance
- Details
- Category: Press Releases
The August 2024 MPS maintains the current monetary policy that keeps a watchful eye against inflation threats and supports economic recovery through maintaining the statutory required deposit at 15% and the zero-percent monetary policy rate while considering easing exchange control requirements and maintaining an exchange rate regime that supports greater macroeconomic stability.
Also read in Tongan: Tokanga ‘a e Pangikē Pule΄ ke faka’ai’ai hono ngaue’aki ‘a e ngāue fakapa‘anga ‘i he‘ene fokotu‘utu‘u ngaue fakapa‘anga ‘Aokosi 2024
Tokanga ‘a e Pangikē Pule΄ ke faka’ai’ai hono ngaue’aki ‘a e ngāue fakapa‘anga ‘i he‘ene fokotu‘utu‘u ngaue fakapa‘anga ‘Aokosi 2024
- Details
- Category: Press Releases
Kuo tuku atu ‘a e Fakamatala Fokotu‘utu‘u Ngāue Fakapa’anga ‘o ‘Aokosi 2024 ‘o e Pangikē Pule Fakafonua ‘a Tonga hili hono tali ia ‘e he Poate ‘a e kau Talēkita.
‘Oku kei hoko atu pē ‘a e tokanga ‘a e Fokotu’utu’u Ngāue Fakapa‘anga ‘Aokosi 2024 ki he hikihiki ‘a e totongi koloa΄ pea mo hono poupou’i ‘a e fakaakeake faka’ekonōmika΄ ‘aki hono tauhi pē ‘i he peseti ‘e 15 ‘a e lahi ‘o e pa’anga ‘a e ngaahi pangikē fakakomēsiale´, ‘a ia ‘oku tu’utu’uni fakalao ke tauhi ‘i he Pangikē Pule´, hoko atu pē hono ta’etotongi ha tupu (interest) ‘i he ngaahi ‘akauni pa‘anga ngāue ‘a e ngaahi pangikee´ ‘oku fakahū ‘i he Pangikē Pule´, pea ke vakai’i ‘a e ngaahi tu’utu’uni ki he fakafetongi pa’anga muli΄ ke toe faingofua ange pea mo tauhi ‘a e tu’unga mālohi ‘o e fakafetongi pa’anga΄ ke poupou ki hono fakamālohia ‘a e ma’uma’uluta faka’ekonomika fakalūkufua΄. ‘I he fengāue‘aki vāofi mo e Pule’anga΄ mo e ngaahi kupu kehekehe fekau’aki, ‘e fokotu’u ai ‘e he Pangikē Pule΄ ha ngaahi polokalama fakapa’anga fo’ou ‘o hangē ko ha polokalama nō ‘oku tuku atu ‘i ha totongi tupu ‘oku ma’ulalo (concessional credit), pea mo ha polokalama ki hono malu’i ‘a e ngaahi nō (credit guarantees). Ko e fakataumu’a ‘eni ke fakaivia ‘a e sekitoa taautaha΄ ke toe malohi ange ‘a e tupu faka’ekonōmika΄ ‘i he 2025΄ pea faka‘ai‘ai ‘a e nō ki he ngaahi sekitoa ‘oku ‘ikai ke lahi ha’anau faingamalie nō mei he ngaahi pangikē, mo kinautolu ‘oku tu’u laveangofua ki he feliuliuaki ‘a e ‘ea΄.
‘I he fakamatala ‘a Kōvana Moeaki΄, “na’e holoki ki he peseti ‘e 1.6 ‘a e fakafuofua ki he tupu faka‘ekonōmika ‘a Tonga ki he ta‘u fakapa‘anga 2024 mei΄he tupu peseti ‘e 2.2΄, makatu‘unga mei΄he ’ikai ola lelei ‘a e sekitoa ngoue΄, vaotātā mo e toutai΄ mo e tafa‘aki fakatupu koloa΄. Ko e hili ia ha tupu māmālie ‘i he ta‘u fakapa‘anga 2023΄ hili ‘a e ongo fakatamaki ‘i he 2022΄. ‘Oku hā mai heni ‘a e fiema‘u ‘a e tokoni mei he sekitoa fakapa‘anga΄ke fakaivia fakapa’anga ‘a e tupu ‘a e sekitoa taautaha΄ pea moe ngaahi sekitoa kehe΄ kae kei tokangaekina pe ‘a e hikihiki ‘i he totongi koloa΄”.
Kuo holo ‘a e hikihiki ‘i he totongi koloa fakalukufua՛ mei he tu’unga ma’olunga ‘i he ngaahi ta’u kuo hili΄ pea neongo ne a’u mai ki Sune 2024 na’e ma’olunga ange ‘i he tu’unga ‘oku faka’amu ke ‘i ai ko e peseti ‘e 5, ‘oku fakafuofua ‘e toe holo pē, koe‘uhi΄ ‘oku kei peseti ‘e 1.7 ‘a e hikihiki ‘i he totongi ‘o e ngaahi koloa tefito´ (‘ikai ke kau ai e totongi koloa me’akai´ mo e ma‘u‘anga ivi). Ko e kake ‘a e hikihiki ‘i he totongi koloa fakalūkufua΄ ‘i Sune 2024 na’e makatu’unga ia mei he hiki ‘i he totongi koloa me’akai fakalotofonua΄, ‘a ia ne hiki ‘aki ‘a e peseti ‘e 23.9 ‘i he ta’u ki Sune 2024΄, hili ia ‘ene hiki peseti ‘e 22.7 ‘i Sune 2023. ‘Oku ho’ata mei heni ‘a e si’isi’i e koloa mei he sekitoa ngoue΄, makatu’unga mei he ngaahi fakatamaki fakaenatula´ pea pehē ki he fa’ahi ta’u la‘ala‘ā (El Nino) ne toki ‘osi΄. ‘Oku fakafuofua ‘a e Pangikē Pule΄ ‘e holo ‘a e hikihiki e totongi koloa´ ‘o ma’ulalo ‘i he tu’unga ‘oku faka’amu ke ‘i ai΄ ‘o fakatefito ‘i ha toe lelei ange e koloa ‘oku tuku mai΄. Ka neongo ia՛, ‘oku kei tu’u laveangofua pē ‘a Tonga ki he ngaahi feliuliuaki ‘i he totongi koloa me’akai fakalotofonua΄ tupu mei he ngaahi fakatamaki fakaenatula´, nounou fakakaungaue΄, hikihiki ‘a e totongi e koloa ma‘u‘anga ivi´, pea mo ha ngaahi pole mei tu’apule’anga. ‘Oku fiema’u ke toe vāofi ange ‘a e fangaue’aki ‘a e Pangikē Pule΄ mo e Pule’anga΄ ki hono holoki ‘a e tu’unga ma’olunga ‘o e totongi koloa΄ mo fakalelei’i ‘a e fe’amokaki ‘i he tu’unga ‘o e fo’u koloa΄ kae lava ‘o tauhi ‘a e hikihiki ‘i he totongi koloa΄ ke ma’ulalo.
‘Oku kei ‘i he tu’unga ma’olunga pē ‘a e pa‘anga talifaki ‘i muli ‘a e fonuaˊ, ‘o laka hake ‘i he māhina ‘e 7.5 ‘o e koloa hū mai΄, ‘a ia na’e fe’unga mo e $909.1 miliona ‘i Siulai 2024ˊ, pea ‘oku fe‘unga eni mo e koloa hū mai ki he māhina ‘e 10.5. Na’e tokoni ‘a e tafa’aki fakapa’angaˊ ki he tupu faka’ekonōmikaˊ, ‘i he tupu fakata’u ‘a e nōˊ ‘aki ‘a e peseti ‘e 4.1 ‘i Sune 2024ˊ. Ka neongo ia, ‘oku kei ma’olunga pē ‘a e ngaahi nō palopalema´ ‘i he peseti ‘e 11.2. ‘Oku hokohoko atu ai pē ‘a hono tokangaekina ‘o e ngaahi pangikē´, pea pehē ki he ngaahi kautaha ‘ikai ko ha pangikē´, ke fakasi’isi’i ha ngaahi uesia ‘e malava ke hoko ki he tu’unga malu ‘o e tafa’aki fakapa’anga´. ‘E hokohoko atu ai pē ‘a hono muimui’i ofi ‘e he Pangikē Pule´ ‘a e ngaahi fakalakalaka faka’ekonōmika fakamāmani lahi´ pea pehē ki he fakalotofonua´, pea ke liliu ‘ene ngaahi tu’utu’uni ngāue fakapa’anga´, ‘oka fiema’u.
Enquiries
Economics Department
National Reserve Bank of Tonga
Fasi mo e Afi
NUKU'ALOFA
Telephone: (676) 24057
Fax: (676) 24201
Email: This email address is being protected from spambots. You need JavaScript enabled to view it.
Resources
| Press Release in English 133 KB - Download a copy of the full press release. |
| Press Release in Tongan 123 KB - Download a copy of the full press release. |
Kaniseli é he Pangikē Pule Fakafonua á Tongá á e Laiseni á e Kautaha Fakafehū’aki Pa’anga Muli
- Details
- Category: Press Releases
‘Oku mau fanongonongo atu ke fakatokanga’i ange ‘e he kakai ‘o e fonua΄ kuo kaniseli ‘e he Pangike Pule ‘a e laiseni (Laisaeni Kalasi A) pea ‘oku ‘ikai ke toe fakamafai’i ‘a e ongo kautaha ko ’eni ke na fakahoko á e talafi mo fakafetongi paánga muli (Laiseni Kalasi A):
1. Freedom Pacific Limited ‘a ia ‘oku lesista mo fakahoko fatongia ‘i Kolomotu’a
2. Fiefia Finance Money Transfer Limited ‘a ia ‘oku lesisita mo fakahoko fatongia ‘i ‘Umusi.
‘Óku mau fie fakahā heni ki he kakai ó e fonua΄ mei΄ he 23 ‘o ‘Aokosi 2024 ko e niíhi pē ‘oku lisi atu í lalo΄ kuo fakamafaií ke nau fakahoko á e talafi mo fakafetongi paánga mulí ó fakatatau ki he lao ki hono Pule’i ‘o e Fehū’aki Pa’anga Muli 2018:
Laiseni Kalasi A (Talafi Pa’anga mai mei Tu’apule’anga pea mo Talafi mei Tonga΄ni ki Tu’apule’anga)
1. FEXCO Tonga Limited
2. Frank Money Transfer
3. KlickEx Trading Limited
4. Manatu ‘Ofa Money Transfer
5. Rowena Financial Services t/a IMEX Money Transfer
6. ‘Ave Pa’anga Pau – Tonga Development Bank
7. Island Flexi Transfer
8. Toumu’a Money Transfer
9. Digicel Tonga Financial Services Limited
Laiseni Kalasi B (Talafi pa’anga mai pē mei Tu’apule’anga)
1. Tonga Post Limited
2. Nikua Money Transfer
3. Joy Trading Company Limited
4. Tokowireless Limited
5. L & G Money and Shopping Transfer
6. SPBD Microfinance Limited
Laiseni Kalasi C (Fakafetongi Pa’anga muli pē)
1. Jones Travel Limited
Kautaha Fakafetongi Pa’anga Muli ‘oku nau ‘i he malumalu ‘o e ngaahi Laiseni Fakapangikē΄
1. Fakafofonga ‘a e MoneyGram - Bank of the South Pacific (BSP)
a. Friendly Island Bookshops (ie. Tongatapu, ‘Eua, Ha’apai and Vava’u)
b. LunaEva Malapo Branch
c. LunaEva Nuku’alofa Branch
d. LunaEva Veitongo Gas Station
e. LunaEva Maui Gas Station
f. Cocker Enterprise Store, Ma’ufanga
g. Sinipata Talanoatau Store, Longolongo
h. POP’s ICAR, Hihifo Road, Sia’atoutai
i. Payless USA Store, Vaha’akolo Road, Kapeta
j. Maka Gas Station & Supermarket Store, Talau Vava’u
k. Gateway Petroleum Services – Neiafu, Vava’u
l. Matafonua Water Sports Resort, Faleloa Ha’apai
‘Oku ‘oatu heni á e fakatokanga ki he kakai ‘o e fonua΄ ke ‘oua temou ngāueáki ‘a e ngaahi kautaha talafi mo fakafetongi pa’anga ‘oku te’eki ke fakamafai’i΄ pea ‘oku mau kole atu ke mou līpooti mai ki he Pangikē Pule΄ ha fa’ahinga taha pe kautaha ‘oku nau tu’uaki pe fakahoko ‘a e talafi mo fakafetongi pa’anga muli΄ ‘a ia ‘oku ‘ikai kau he lisi ‘i ‘olunga΄. Ko ha taha ‘oku΄ ne fakahoko ‘a e talafi mo fakafetongi pa’anga muli΄ ka ‘oku ‘ikai ha’ane laiseni, ‘oku΄ ne fakahoko ‘a e hia pea kuo pau ke ala mo’ua ‘i ha’ane halaia ki ha mo’ua pa’anga ‘oku ‘ikai lahi hake ‘i he $10,000 pē ki he ngāue popula ki ha vaha’a taimi ‘ikai laka hake ‘i he ta’u ‘e tolu΄ pē fakatou’osi.
Faka'eke'eke
Pangike Pule Fakafonua ‘o Tonga
Fasi mo e Afi
NUKU'ALOFA
Telefoni: (676) 24057
Fax: (676) 24201
Meili 'Elekitolonika: This email address is being protected from spambots. You need JavaScript enabled to view it.
Ngaahi Naunau
| Ongoongo 'i he Lea Faka-Pilitania 122 KB - Ma'u atu ha tatau 'o e ongoongo. |
| Ongoongo 'i he Lea Faka-Tonga 148 KB - Ma'u atu ha tatau 'o e ongoongo. |
Unauthorized Foreign Exchange Services
- Details
- Category: Press Releases
The National Reserve Bank of Tonga wishes to inform the general public that the licenses to act as a foreign exchange dealer (License Type A) for Freedom Pacific Limited and Fiefia Finance Money Transfer Limited have been cancelled.
Also read in Tongan: Kaniseli é he Pangikē Pule Fakafonua á Tongá á e Laiseni á e Kautaha Fakafehū’aki Pa’anga Muli
Unclaimed Monies - as of June 2024
- Details
Please be advised that account holders (owners) of listed unclaimed monies are required to make your claim to your respective banks within 3 months from the first date of this publication. In accordance with section 94 of the Banking Act 2020 states, that any remaining unclaimed funds and properties after three (3) months claim period have met its expiry date, shall be presumed to be abandoned funds or properties and any claim shall be addressed directly to the Minister of Finance and is subject to the approval of the Minister of Finance.
Kindly note that advertisement cost will be deducted accordingly. For further enquiries or clarification please contact Financial Institutions department on telephone 24-057 or email This email address is being protected from spambots. You need JavaScript enabled to view it.
The Role of the National Reserve Bank of Tonga
- Details
- Category: Press Releases
At the heart of Tonga’s financial health, the National Reserve Bank of Tonga (NRBT) does more than just act as the central bank. We play a crucial role in keeping our economy safe, and helping Tonga grow.
Fatongia ‘o e Pangikē Pule Fakafonua ‘a Tonga
- Details
- Category: Press Releases
Ko e Pangikē Pule Fakafonua ‘a Tongá ‘oku ne fakahoko ‘a e fatongia mahu’inga ki hono tauhi ‘a e malu ‘a e ngaue fakapa’anga ‘a Tonga pea mo tu’apule’anga, pea pehē ki he tupu ‘a e tu’unga faka’ekonomika ‘o e fonuaˊ.
Fakafetongi Pa’anga Ta’efakalao ‘a e LWS Trading mo e RK3 Pacific Tonga Ltd
- Details
- Category: Press Releases
‘Oku ‘oatu heni ‘a e fakatokanga mei he Pangike Pule Fakafonua ‘a Tonga΄, ki he kakai ‘o e fonua ke mou mea’i ko e ongo kautaha koia ko e LWS Trading pea mo e RK3 Pacific Tonga Ltd, na’a na fakahoko ta’efakalao ‘a e ngaahi
ngaue fakafetongi pa’anga muli mei hona ‘ofisi ‘i Ma’ufanga, ‘o na maumau’i ai ‘a e Lao ki hono Pule’i ‘o e Fetongi Pa’anga Muli 2018 (FEC Act 2018). Ko hono fakahoko ha pisinisi fakafetongi pa’anga muli, ‘oku fakangatangata ‘e he lao ki he kau ma’u mafai pe, ‘a ia ‘oku nau lolotonga ma’u ha laiseni mei he Pangike Pule Fakafonua ‘a Tonga, fakatatau ki he tu’utu’uni ‘o e kupu 13(1) ‘o e Lao ki hono Pule’i ‘o e Fetongi Pa’anga Muli 2018.
Kuo ‘osi fakahoko atu ‘a e tu’utu’uni ki he ongo kautaha ni, ke ta’ofi leva ‘a e ngaahi ngaue ta’efakalao ni pea ke fakahu mai ha kole laiseni ngofua ki he Pangike Pule. Kuo ‘osi lipooti ki he Potungaue Polisi ke fakapapau’i ‘oku muimui’i totonu ‘a e ngaahi tu’utu’uni fakalao pea ke tokoni kiha ngaahi tu’utu’uni fakalao ‘e malava ke fakahoko.
Kau Kasitoma na’e uesia ‘i he fakahoko ngaue ‘a e LWS Trading pea mo e RK3 Pacific Tonga Ltd.
Ko kimoutolu kotoa pe na’e uesia ‘i he ngaahi ngaue fakafetongi pa’anga muli ta’efakalao ‘a e ongo kautaha ni, 'oku ‘oatu ‘a e kole ke mou fetu’utaki ki he Va’a ‘oku Tokangaekina ‘a e Ngaahi Kautaha Fakapa’anga ‘ikai ko ha Pangikee, ‘i he Telefoni 24057 pe koe telefoni to’oto’o 8701460. ‘Oku ‘i heni ‘a e Pangike Pule ke tokoni’i kimoutolu, ‘i ho’omou ngaahi launga pea mo ha ngaahi tokoni pe ‘e ala fakahoko he taimi ko’ eni. Kataki ‘o fetu’utaki mai ki ha toe faka’eke’eke.
‘Oku mau kei tapou atu pe heni ki he kakai ‘o e fonua ke mou faka’ehi’ehi mei hono ngaue’aki ‘a e ngaahi kautaha ‘oku te’eki ke ma’u ha’anau laiseni ki homou ngaahi ngaue fakapa’anga.
Faka'eke'eke
Pangike Pule Fakafonua ‘o Tonga
Fasi mo e Afi
NUKU'ALOFA
Telefoni: (676) 24057
Fax: (676) 24201
Meili 'Elekitolonika: This email address is being protected from spambots. You need JavaScript enabled to view it.
Ngaahi Naunau
| Ongoongo 'i he Lea Faka-Pilitania 95 KB - Ma'u atu ha tatau 'o e ongoongo. |
| Ongoongo 'i he Lea Faka-Tonga 108 KB - Ma'u atu ha tatau 'o e ongoongo. |
Unauthorized Foreign Exchange Services by LWS Trading and RK3 Pacific Tonga Ltd
- Details
- Category: Press Releases
The National Reserve Bank of Tonga (NRBT) has released its Monetary Policy Statement (MPS) for February 2024 following its approval by the Board of Directors.
Also read in Tongan: Fakafetongi Pa’anga Ta’efakalao ‘a e LWS Trading mo e RK3 Pacific Tonga Ltd
